തണ്ണീർമുക്കം ബണ്ട്
വേമ്പനാട് കായലാൽ മുങ്ങി കിടന്ന സ്ഥലത്ത് മനുഷ്യനിർമിതമായ ഒരു മനോഹരതീരം. അതാണ് തണ്ണീർമുക്കം ബണ്ട്. ടൂറിസം മാപ്പിൽ ഇടം പിടിച്ച നമ്മുടെ കുമരകത്തിനു അടുത്തുള്ള ഒരു സ്ഥലമാണ് തണ്ണീർമുക്കം. കോട്ടയം ജില്ലയുടെയും ആലപ്പുഴ ജില്ലയുടെയും അതിർത്തി പങ്കിടുന്ന സുന്ദര സ്ഥലം.
വേമ്പനാട് കായലിന് കുറുകെ ഉപ്പുവെള്ളത്തെ വേർതിരിച്ചു കൃഷിക്ക് യോഗ്യമാക്കുന്ന തണ്ണീർമുക്കം ബണ്ട് നയന മനോഹര കാഴ്ചയാണ്. സമുദ്ര നിരപ്പിലും താഴെ കൃഷി ചെയ്യുന്ന കുട്ടനാട്ടിലെ കർഷകരുടെ പ്രാണവായു ആണ് ഈ ബണ്ട്. 1974-ൽ ആണ് ബണ്ട് നിർമിക്കുന്നത്.
കോട്ടയം ജില്ലയിലെ വെച്ചൂരും ആലപ്പുഴ ജില്ലയിലെ തണ്ണീർമുക്കവും തമ്മിൽ ബന്ധിപ്പിക്കുന്ന വാഹനഗതാഗത മാർഗവും കൂടിയാണ് ബണ്ട്. ഏകദേശം 15 മീറ്റർ താഴ്ചയിൽ വെള്ളം ഉണ്ടായിരുന്ന സ്ഥലത്താണ് ഇപ്പൊ ഈ കാണുന്ന ഭൂമി എന്നുള്ളത് അദ്ഭുതകരമായ വസ്തുത ആണ്.
ഒരു ദിവസം ചെലവഴിക്കാനും മാത്രം ഉള്ള കാഴ്ചകൾ ഇല്ലെങ്കിലും സായാഹ്നങ്ങൾ ആസ്വാദ്യമാക്കുവാൻ വളരെ നല്ല ഒരിടമാണിത്. എന്നാൽ ഹൗസ് ബോട്ടുകൾ ഉപയോഗപ്പെടുത്തിയാൽ ഒരു ദിവസം മുഴുവനോ ഒരു രാത്രിയോ ഇവിടെ ചെലവഴിക്കാം.
Nearby Attractions
വേമ്പനാട് തടാകം
കേരളത്തിലെ കായല്ടൂറിസത്തിൻ്റെ നട്ടെല്ല് എന്ന് തന്നെ വിശേഷിപ്പിക്കാവുന്ന കായല്പരപ്പില്
കുമരകം
വേമ്പനാട് കായല്പരപ്പിലൂടെ ഹൗസ്ബോട്ടിലും ചെറുവള്ളങ്ങളിലും കറങ്ങാനും തെങ്ങിന്തോപ്പിലിരുന്ന് ചൂണ്ടയിടാനും ഇവിടെ അവസരമുണ്ട്.
Checkout these
കോട്ടക്കുന്ന്-തളിപ്പറമ്പ-കണ്ണൂർ
അവിടെ നിന്നു നോക്കിയാൽ കുപ്പം പുഴയും അതിന്ടെ പ്രാന്തപ്രദേശങ്ങളും കാണാം
വടാട്ടുപാറ
ഏഷ്യൻ ആന, ബംഗാൾ കടുവ, ചാമ്പൽ മലയണ്ണാൻ തുടങ്ങി വൈവിധ്യമാർന്ന ജീവജാലങ്ങളെ ഇവിടെയുള്ള വനമേഖലകളിൽ കണ്ടുവരുന്നു.
പാലക്കാട് കോട്ട
പാലക്കാട് പട്ടണത്തിന്റെ ഹൃദയഭാഗത്തായി സ്ഥിതി ചെയ്യുന്ന കോട്ടയാണ് പാലക്കാട് കോട്ട (ടിപ്പു സുൽത്താന്റെ കോട്ട) മൈസൂർ രാജാവായിരുന്ന ഹൈദരലി 1766-ൽ പണികഴിപ്പിച്ച ഈ കോട്ട പിന്നീട് പിടിച്ചടക്കിയ ബ്രിട്ടീഷുകാർ കോട്ട പുനരുദ്ധരിച്ചു.
