മടവൂർ പാറ
തിരുവനന്തപുരം ജില്ലയിലെ കാട്ടായിക്കോണത്തിനു സമീപമാണ് മടവൂർ പാറയും പ്രാചീന ഗുഹാക്ഷേത്രവും.. ഈ ക്ഷേത്രത്തിന്‍റെ പഴക്കത്തെക്കുറിച്ച് കൃത്യമായ തെളിവുകളില്ലെങ്കിലും ആയിരത്തി മുന്നൂറിലേറെ വർഷങ്ങളുടെ പഴക്കമുണ്ടെന്ന് പറയപ്പെടുന്നു
സമുദ്രനിരപ്പിൽ നിന്ന് 300 അടി ഉയരത്തിലാണ് പാറ സ്ഥിതി ചെയ്യുന്നത്. ചതുരാകൃതിയിൽ പാറ തുരന്നാണ് ക്ഷേത്രം നിർമ്മിച്ചിരിക്കുന്നത്. പാറയിൽ തന്നെ പടവുകളും കൊത്തിയുണ്ടാക്കിയിട്ടുണ്ട്. പടവുകൾ അവസാനിക്കുന്നിടത്ത് മണ്ഡപമുണ്ട്. ഗുഹാമുഖം അവിടെ നിന്നും ആരംഭിക്കുന്നു.. ബുദ്ധമതക്കാരാണോ ജൈനമതക്കാരാണോ ക്ഷേത്രം പണിയിച്ചതെന്ന വാദത്തിന് കൃത്യമായ ഉത്തരമില്ലെങ്കിലും ബുദ്ധമത വിശ്വാസികളുടെ ആരാധനാലയമായിരുന്നു ഇവിടം എന്നതിനാണ് തെളിവുകളേറെയുള്ളത്.
മാടൻ എന്ന മൂല പദത്തിൽ നിന്നാണ് മടവൂർ എന്ന് സ്ഥലനാമം വന്നതെന്ന് ചില ചരിത്രകാരന്മാർ അഭിപ്രായപ്പെടുന്നു.. മാടന്റെ ഊര് മാടന്നൂർ ആയെന്നും അത് ക്രമേണ ലോപിച്ച് മടവൂർ ആയതാകാമെന്നും പറയപ്പെടുന്നു
Nearby Attractions
ആക്കുളം ടൂറിസ്റ്റു ഗ്രാമം
പ്രകൃതിയുമായി അടുത്ത് കുറച്ചധികം സമയം ചെലവഴിക്കാന്‍ താല്പര്യമുള്ളവര്‍ക്ക് ധൈര്യമായി ഇവിടെ വരാം. നീന്തല്‍ക്കുളവും കഫറ്റേരിയയും വാട്ടര്‍ ഫൗണ്ടെയ്‌നും സൈക്കിള്‍ ട്രാക്കുമെല്ലാം ഇവിടുത്തെ പ്രത്യേകതകളാണ്.
പുത്തൻതോപ്പ് ബീച്ച്
കടലിന്റെ സംഗീതം കേട്ടുകൊണ്ട് പെരുമാതുറ മുതൽ വേളി വരെ പ്രശാന്ത സുന്ദരമായ കടൽ തീരത്തുകൂടെ വേണമെങ്കിൽ നടക്കാം
വേളി ടൂറിസം ഗ്രാമം
കുട്ടികൾക്കായുള്ള ഒരു പാർക്ക്, ജലകായിക വിനോദങ്ങൾ, ഒരു ഉല്ലാസ പാർക്ക്, വെള്ളത്തിൽ പൊങ്ങിക്കിടക്കുന്ന ഒരു ഭക്ഷണശാല, കടൽത്തിരവുമായി ബന്ധിപ്പിക്കുന്ന വെള്ളത്തിൽ പൊങ്ങിക്കിടക്കുന്ന ഒരു പാലം, മനോഹരമായ ഉദ്യാനം എന്നിവ വേളിയിലുണ്ട്.
Checkout these
മങ്കയം വെള്ളച്ചാട്ടം
മങ്കയത്തു നിന്ന് സമീപ പ്രദേശങ്ങളിലേക്ക് ട്രക്കിങ് നടത്താന്‍ സാധിക്കുമെന്നതിനാല്‍ ധാരാളം ആളുകള്‍ ഇവിടെ എത്താറുണ്ട്. ഇരുതലമൂല- അയ്യമ്പന്‍പാറ ട്രക്കിങ്, അയ്യമ്പന്‍പാറ- വരയാടുമൊട്ട ട്രക്കിങ് എന്നിവയാണ് ട്രക്കിങ് റൂട്ടുകള്‍
കുംബള ഫോർട്ട്‌
നായക്‌ വംശജര്‍ തന്നെ നിര്‍മ്മിച്ചു എന്നു കരുതപ്പെടുന്ന ഈ കോട്ടയുടെ പ്രവേശനഭാഗത്തുള്ള ഹനുമാന്‍ ക്ഷേത്രം വളരെയേറെ ഭക്തരെ ആകര്‍ഷിക്കുന്നു
നീലിമല വ്യൂ പോയന്‍റ്
മുകളിലേക്ക് കയറുമ്പോൾ കാപ്പിത്തോട്ടങ്ങളും, കുരുമുളക് വള്ളികളും ,കാറ്റിൽ പറന്നുയരുന്ന പുല്ലുകളും പുതിയൊരു അനുഭവം തന്നെ നമുക്ക് സമ്മാനിക്കുന്നു. ഒരു വശത്ത് പശ്ചിമഘട്ടത്തിൻറെ വിശാലമായ കാഴ്ച മറുവശത്ത് പാറക്കല്ലുകളുള്ള ചെരിഞ്ഞപച്ചക്കുന്നുകൾ.