കുറുമ്പാലക്കോട്ട
കല്പറ്റയിൽ നിന്ന് 17 കിലോമീറ്റർ അകലെയാണ് കുറുമ്പാലക്കോട്ട മല സ്ഥിതിചെയുന്നത് , കുറുമ്പാലക്കോട്ട സഞ്ചാരികളുടെ പതിവു ട്രെക്കിങ് പാതകളില് ഇടം നേടിയിട്ടില്ല. അതുകൊണ്ടു തന്നെ മലയുടെ മുകളിലേയ്ക്ക് പോകാന് കൃത്യമായ വഴിയൊന്നുമില്ല.പോവുകയാണേൽ സൂര്യൻ ഉദിക്കും മുമ്പേ മല കയറണം മല കയറി ചെന്നാൽ മഞ്ഞുമൂടിയ മലനിരകള് കൈയെത്തും ദൂരത്ത് എന്നതുപോലെ അനുഭവപ്പെടും എന്ന് തന്നെ പറയാം, പ്രകൃതി വിരുന്ന് ഒരുക്കിയ മനോഹാരിത അത് പറഞ്ഞറിയിക്കാൻ പറ്റാത്തതിലുമപ്പുറമാണ്.. വയനാടിന് നടുക്കിട്ട ഉയരമുള്ള ഒരു പീഠമാണ് ഈ മല. അതില് കയറി നിന്ന് നോക്കുമ്പോൾ മലനിരകള്ക്ക് നടുവിലെ ഈ ഭൂമിയുടെ സൗന്ദര്യം ഒപ്പിയെടുക്കാം.
അമ്പുകുത്തി മല, ചെമ്പ്ര, കുറിച്യമല, വെള്ളരി മല, മണിക്കുന്ന് മല എല്ലാം ഈ പീഠത്തിനു ചുറ്റും നിരന്ന് നിൽക്കുന്നു. പനമരം, മാനന്തവാടി, കല്പറ്റ പട്ടണങ്ങൾ വ്യക്തമായി ഇവിടെ നിന്ന് നോക്കിയാൽ കാണാം. തൊട്ടു താഴെ അകലേയ്ക്ക് ഒഴുകിപ്പോകുന്ന പനമരം പുഴ. കൊയ്ത്തു കഴിഞ്ഞ് ശൂന്യമായ വയലുകള്ക്ക് നടുവില് പച്ചത്തുരുത്തുകള് പോലെ തെങ്ങിന് തോപ്പുകള്. ചെമ്മണ്ണ് പൂശിയ ഇഷ്ടികകളങ്ങൾ, വിളഞ്ഞു നില്ക്കുന്ന പാവല്ത്തോട്ടങ്ങള്. ദൂരെയുള്ള മലനിരകളെ മഞ്ഞിന്റെ നേർത്ത ആവരണം പൊതിഞ്ഞിരിക്കുന്നു.കുറുമ്പാലക്കോട്ട സാഹസികർക്ക് മാത്രം എഴുതപ്പെട്ടതല്ല. അല്പദൂരം നടക്കാമെന്നുള്ള ആർക്കും ആയാസപ്പെടാതെ തന്നെ ഈ മലമുകളില് കയറാം.യാത്രയെ സ്നേഹിക്കുന്നവർ തീർച്ചയായും കാണേണ്ട സ്ഥലം തന്നെയാണിത്. വരൂ, വയനാടിന്റെ സുന്ദരചിത്രം ഒപ്പിയെടുക്കാൻ കുറുമ്പാലക്കോട്ട നിങ്ങളെ ക്ഷണിക്കുന്നു.
Nearby Attractions
കർലാട് തടാകം
ബോട്ടിംഗ് സൗകര്യമുള്ള കർലാട് തടാകം കാവുമന്ദത്തിനടുത്ത് സ്ഥിതിചെയ്യുന്നു.. ദൂരം കൽപ്പറ്റയിൽ നിന്നും 15 km
ബാണാസുരസാഗർ ഡാം
അണകെട്ട് പദ്ധതി പ്രദേശത്തുള്ള സ്ഥലങ്ങളെ വെള്ളത്തിന്‌ അടിയിൽ ആഴ്ത്തിയപ്പോൾ ഇവിടെ അണകെട്ട് പദ്ധതി പ്രദേശത്തു ഏതാനും ദ്വീപുകൾ രൂപപ്പെട്ടു. ബാണാസുരസാഗർ മലകളുടെ താഴ്വരയിലുള്ള ഈ ദ്വീപുകൾ പ്രകൃതിരമണീയമാണ്.
കബിനി പുഴ
പശ്ചിമഘട്ട മലനിരകളാണ് ഈ നദിയുടെ ഉത്ഭവ സ്ഥാനം. വയനാട്ടിലെ മാനന്തവാടി പുഴയുടെയും പനമരം പുഴയുടെയും സംഗമ സ്ഥാനത്ത് വച്ചാണ് ഈ പുഴക്ക് കബനി എന്ന പേര് വരുന്നത്
Checkout these
സൂചിപ്പാറ വെള്ളച്ചാട്ടം
ഏകദേശം 1.5 കിലോമീറ്റർ കാട്ടിലൂടെ നടന്ന് വേണം വെള്ളച്ചാട്ടത്തിനരികിലെത്താൻ. വഴികൾ എല്ലാം കല്ലുപാകിയതാണ്. നീന്താനും, വൈറ്റ് വാട്ടർ റാഫ്റ്റിംഗിനുമുള്ള സൗകര്യമുണ്ട്.
കനോലി പ്ലോട്ട്
ഏറ്റവും പഴക്കമേറിയ തേക്കിൻ തോട്ടം സ്ഥിതി ചെയ്യുന്ന കനോലി പ്ലോട്ട് ലോകപ്രശസ്തമായ ഒരു പ്ലാനറ്റേഷൻ കൂടിയാണ്.
മട്ടാഞ്ചേരി
ഡച്ച് കൊട്ടാരം എന്നും അറിയപ്പെടുന്ന മട്ടാഞ്ചേരി കൊട്ടാരം കൊച്ചിയിലാണ് സ്ഥിതി ചെയ്യുന്നത്
മുത്തപ്പന്‍ പുഴ
ഇരുവയിഞ്ഞിപ്പുഴയുടെ ആരംഭം കുറിക്കുന്ന ചെറു പുഴയും നിരവധി തോടുകളും നിബിഡ വനങ്ങളും മുത്തപ്പന്‍ പുഴയെ സുന്ദരിയാകുന്നു.
ചമ്രവട്ടം പാലം
മലപ്പുറം ജില്ലയിലെ പൊന്നാനിയേയും തിരൂരിനേയും ഭാരതപ്പുഴക്കു കുറുകെ പാലം നിർമ്മിച്ച് ഇതിലൂടെ ബന്ധിപ്പിച്ചിരിക്കുന്നു