കനോലി പ്ലോട്ട്
ലോകത്തിലെ ആദ്യത്തെ മനുഷ്യനിർമിത തേക്കുതോട്ടമാണ് കനോലി പ്ലോട്ട് എന്ന പേരിലുള്ള നിലംബൂർ തേക്കിൻ തോട്ടം. ലോകപൈതൃക പട്ടികയിൽ ഇടം നേടിയ ഈ തോട്ടത്തിന് 5.675 ഏക്കർ വിസ്തൃതിയുണ്ട്. ഏറ്റവും പഴക്കമേറിയ തേക്കിൻ തോട്ടം സ്ഥിതി ചെയ്യുന്ന കനോലി പ്ലോട്ട് ലോകപ്രശസ്തമായ ഒരു പ്ലാനറ്റേഷൻ കൂടിയാണ്.
ചാലിയാർ പുഴയോരത്തു കുറുവൻപുഴ സംഗമിക്കുന്ന തുരുത്താണ് കനോലി പ്ലോട്ട്. നാല് ഭാഗവും പുഴയാൽ ചുറ്റപ്പെട്ട ദ്വീപ്. വിശേഷപ്പെട്ട ഔഷധങ്ങളും അപൂർവ ജന്തുവർഗ്ഗങ്ങളുമെല്ലാം നിലമ്പൂർ കാടുകളിൽ ഉണ്ടത്രേ. അല്പദൂരം കാട്ടു വഴിയിലൂടെ നടാന്നുചെന്നാൽ ചാലിയാറിനു കുറുകെ പണിത തൂക്കുപാലമായി. തൂക്കുപാലം കടന്ന് മുന്നോട്ട് ചെന്നാൽ തേക്കിൻ സാമ്രാജ്യമായി. സമൃദ്ധമായ കനോലി പ്ലോട്ടിൽ സഞ്ചാരികളെ എപ്പോഴും ആകർഷിക്കുന്നത് കണ്ണിമാരി എന്ന ലോകത്തെ ഏറ്റവും വലിയ തേക്ക് തന്നെയാണ്. പച്ചപുതച്ച ഈ നാടിന്റെ പ്രകൃതി ഭംഗിയും കാണാകാഴ്ചകളും എല്ലാവരെയും ഇങ്ങോട്ട് ആകർഷിക്കുന്നു.
Checkout these
ചുട്ടിപ്പാറ
പുറമേനിന്നു നോക്കിയാൽ ഒന്നായി കാണാമെങ്കിലും മൂന്ന് തട്ടുകൾ ഉണ്ട് ചുട്ടിപ്പാറയ്ക്ക്. ആൾ പൊക്കത്തിൽ പുല്ലുകൾ വളർന്നു നിൽക്കുന്ന ഇടങ്ങളും വിശാലമായ ഒരു ഗുഹയും മറ്റൊരു ചെറിയ ഗുഹയും പാറയിൽ ഉണ്ട്.
ചുള്ളിയാർ ഡാം
ഇവിടേക്കുള്ള യാത്രയിൽ ചുറ്റുമുള്ള മലനിരകളുടെ മനോഹരമായ കാഴ്ചയും ലഭിക്കും. പാലക്കാട് പൊള്ളാച്ചി റൂട്ടിൽ മുതലമടയിൽ നിന്നും വലത്തോട്ട് തിരിഞ്ഞാണ് ഇവിടേക്കുപോകുന്നത്.
