കടലുണ്ടി പക്ഷി സങ്കേതം
മലപ്പുറം, കോഴിക്കോട്‌ ജില്ലകളുടെ അതിർത്തിയിലായി കടലുണ്ടിപ്പുഴയ്ക്ക്‌ നടുവിൽ കിടക്കുന്ന അനേകം ദ്വീപുകളിലായാണ്‌ കടലുണ്ടി പക്ഷി സങ്കേതം സ്ഥിതിചെയ്യുന്നത്. അഴിമുഖത്തിനോട്‌ തൊട്ടടുത്താണ് ഈ പ്രദേശം. കോഴിക്കോട്‌ ജില്ലയിലൂടെയാണ്‌ പക്ഷി സങ്കേതത്തിലേക്കുള്ള പ്രവേശനം. മലപ്പുറം ജില്ലയിലെ വള്ളിക്കുന്ന് ഗ്രാമപഞ്ചായത്തിലും കോഴിക്കോട്‌ ജില്ലയിലെ കടലുണ്ടി ഗ്രാമപഞ്ചായത്തിലുമായാണ്‌ ഈ പക്ഷി സങ്കേത ദ്വീപുകൾ പരന്നു കിടക്കുന്നത്‌. ധാരാളം കണ്ടൽകാടുകളും ഈ ദ്വീപുകളിൽ കാണാൻ കഴിയും.
സെപ്റ്റമ്പർ മുതൽ മാർച്ച്‌ വരെയുള്ള സമയത്താണ്‌ ഇവിടെ ദേശാടന പക്ഷികളെ കണ്ടുവരുന്നത്‌. 60 ൽ പരം ദേശാടനപക്ഷികളും നൂറോളം തദ്ദേശീയ പക്ഷി വർഗ്ഗങ്ങളേയും ഇവിടെ കണ്ടുവരുന്നു. കടലുണ്ടി റെയിൽവേ സ്റ്റേഷനിൽ നിന്ന് വളരെ അടുത്താണ് പക്ഷി സങ്കേതം സ്ഥിതിചെയ്യുന്നത്. കടലുണ്ടിയിൽ പാസഞ്ചർ ട്രയിനുകൾക്ക്‌ മാത്രമാണ്‌ സ്റ്റോപ്പ് ഉള്ളത്‌. 2001 ൽ രാജ്യത്തെ നടുക്കിയ തീവണ്ടിയപകടം നടന്ന കടലുണ്ടിപാലം പക്ഷി സങ്കേതത്തിനു മുകളിലൂടെ കടന്നുപോകുന്നു. ഒരുവശത്ത്‌ കടലുണ്ടി റെയിൽപാലവും മറുവശത്ത്‌ കടലുണ്ടിക്കടവ്‌ പാലവും ഇവിടെ നിന്ന് കാണാം. ബേപ്പൂരിൽ നിന്ന് 7 കിലോമീറ്റർ ദൂരമാണ് ഇങ്ങോട്ടുള്ളത്.
Nearby Attractions
Checkout these
സെയിന്റ് ഏഞ്ചലോ ഫോർട്ട്‌
ഒരു ലക്ഷം രൂപയ്ക്ക് അറക്കൽ രാജ്യത്തെ അലി രാജക്ക് ഡച്ചുകാർ ഈ കോട്ട വിറ്റു(പതിനേഴാം നൂറ്റാണ്ടിൽ കണ്ണൂരിലെ മുസ്‌ലിം രാജാവായിരുന്നു അലി രാജ. ഡച്ചുകാരിൽനിന്നും 1663ൽ വാങ്ങിയ അദ്ദേഹത്തിന്റെ കൊട്ടാരമാണ് അറക്കൽ കൊട്ടാരം.
പെരളശ്ശേരി തൂക്കു പാലം
ആളുകള്‍ക്ക് നടന്ന്‍ പുഴ കടക്കാനുള്ള സൌകര്യം. വാഹന ഗതാഗതം സാധ്യമല്ല. ഇരു കരകളിലും നില്‍ക്കുന്ന കോണ്‍ക്രീറ്റ് തൂണുകളിലായി ലോഹ വടങ്ങള്‍ ഉറപ്പിച്ചിരിക്കുന്നു.
അസുരൻകുണ്ട് ഡാം
മഴക്കാലത്ത് ഏറ്റവും മനോഹരമായ കാഴ്ചകൾ സമ്മാനിക്കുന്ന ഡാം ആണിത്. ജലാശയത്തിന്റെ നടുവിലെ പാറക്കൂട്ടങ്ങൾക്ക്‌ മുകളിൽ നീർക്കാക്കളും കൊക്കുകളും ധ്യാനിച്ച് ഇരിക്കുന്ന കാഴ്ച അതിമനോഹരമാണ്.
